Q. HORATIUS FLACCUS • OPERA ET COMMENTARII
CARM. ICARM. IICARM. IIICARM. IVCARM. SAEC.EP.SERM. ISERM. IIEPIST. IEPIST. IIA. P.

versus asclepiadeus minor


ŪŨ|ŪUUŪ||ŪUUŪ|UŨ, 509 IN 31 OPERIS

Spondeus vel trochaeus, sequens choriambus, sequens choriambus, sequens iambus vel pyrrhichius. Versus στίχος λογοειδής est. Nomen ab Asclepiade adeptum est.

1) Primum choriambum diaeresis constanter sequitur, praeter:

Illi «de¦¦torquet» exceptio non sit, si «de» praepositio esse iudicatur. Graeci hanc normam non constanter tenent.

2) Ectasis ante caesuram spectatur:

3) Verbum singula syllaba ante caesuram spectatur:

carm. i i · asclepiadeum primum · maecenas atavis edite regibus...


1   Maecenas atavis edite regibus,  
2   o et praesidium, et dulce decus meum!  
3   sunt quos curriculo pulverem Olympicum  
4   collegisse iuvat, metaque fervidis  
5   evitata rotis – palmaque nobilis  
6   terrarum dominos evehit ad deos.  
7   hunc – si mobilium turba Quiritium  
8   certat tergeminis tollere honoribus;  
9   illum – si proprio condidit horreo  
10   quidquid de Libycis verritur areis.  
11   gaudentem patrios findere sarculo  
12   agros Attalicis condicionibus  
13   numquam demoveas ut trabe Cypria  
14   Myrtoum pavidus nauta secet mare.  
15   luctantem Icariis fluctibus Africum  
16   mercator metuens otium et oppidi  
17   laudat rura sui; mox reficit rates  
18   quassas, indocilis pauperiem pati.  
19   est qui nec veteris pocula Massici,  
20   nec partem solido demere de die  
21   spernit, nunc viridi membra sub arbuto  
22   stratus, nunc ad aquae lene caput sacrae.  
23   multos castra iuvant, et lituo tubae  
24   permixtus sonitus, bellaque matribus  
25   detestata; manet sub Iove frigido  
26   venator, tenerae coniugis inmemor, –  
27   seu visa est catulis cerva fidelibus,  
28   seu rupit teretes Marsus aper plagas.  
29   me doctarum hederae praemia frontium  
30   dis miscent superis, me gelidum nemus  
31   Nympharumque leves cum Satyris chori  
32   secernunt populo – si neque tibias  
33   Euterpe cohibet, nec Polyhymnia  
34   Lesboum refugit tendere barbiton.  
35   quodsi me lyricis vatibus inseres,  
36   sublimi feriam sidera vertice.  

carm. i iii · asclepiadeum quartum · sic te diva potens cypri...


2    sic fratres Helenae, lucida sidera,  
4    obstrictis aliis praeter Iapyga,  
6    debes Vergilium: finibus Atticis  
8    et serves animae dimidium meae.  
10    circa pectus erat, qui fragilem truci  
12    primus, nec timuit praecipitem Africum  
14    nec tristis Hyadas nec rabiem Noti,  
16    maior, tollere seu ponere volt freta.  
18    qui siccis oculis monstra natantia,  
20    infamis scopulos Acroceraunia?  
22    prudens oceano dissociabili  
24    non tangenda rates transiliunt vada.  
26    gens humana ruit per vetitum nefas,  
28    ignem fraude mala gentibus intulit.  
30    subductum macies et nova febrium  
32    semotique prius tarda necessitas  
34    expertus vacuum Daedalus aera  
36    perrupit Acheronta Herculeus labor.  
38    caelum ipsum petimus stultitia neque  
40    iracunda Iovem ponere fulmina.  

carm. i v · asclepiadeum tertium · quis multa gracilis te puer in rosa...


1   Quis multa gracilis te puer in rosa  
2   perfusus liquidis urget odoribus  
5   simplex munditiis? heu, quotiens fidem  
6   mutatosque deos flebit, et aspera  
9   qui nunc te fruitur credulus aurea,  
10   qui semper vacuam, semper amabilem  
13   intemptata nites! me tabula sacer  
14   votiva paries indicat uvida  

carm. i vi · asclepiadeum secundum · scriberis vario fortis et hostium...


1   Scriberis Vario fortis et hostium  
2   victor Maeonii carminis alite,  
3   quam rem cumque ferox navibus aut equis  
5   nos, Agrippa, neque haec dicere nec gravem  
6   Pelidae stomachum cedere nescii  
7   nec cursus duplicis per mare Ulixei  
9   conamur, tenues grandia, dum pudor  
10   inbellisque lyrae Musa potens vetat  
11   laudes egregii Caesaris et tuas  
13   quis Martem tunica tectum adamantina  
14   digne scripserit aut pulvere Troico  
15   nigrum Merionen aut ope Palladis  
17   nos convivia, nos proelia virginum  
18   sectis in iuvenes unguibus acrium  
19   cantamus vacui, sive quid urimur,  

carm. i xiii · asclepiadeum quartum · cum tu, lydia, telephi...


2    cervicem roseam, cerea Telephi  
4    fervens difficili bile tumet iecur.  
6    certa sede manet, umor et in genas  
8    quam lentis penitus macerer ignibus.  
10    turparunt umeros inmodicae mero  
12    inpressit memorem dente labris notam.  
14    speres perpetuum dulcia barbare  
16    quinta parte sui nectaris imbuit.  
18    quos inrupta tenet copula nec malis  
20    suprema citius solvet amor die.  

carm. i xiv · asclepiadeum tertium · o navis, referent in mare te novi...


1   O navis, referent in mare te novi  
2   fluctus. o quid agis? fortiter occupa  
5   et malus celeri saucius Africo  
6   antemnaeque gemant ac sine funibus  
9   aequor? non tibi sunt integra lintea,  
10   non di, quos iterum pressa voces malo.  
13   iactes et genus et nomen inutile:  
14   nil pictis timidus navita puppibus  
17   nuper sollicitum quae mihi taedium,  
18   nunc desiderium curaque non levis,  

carm. i xv · asclepiadeum secundum · pastor cum traheret per freta navibus...


1   Pastor cum traheret per freta navibus  
2   Idaeis Helenen perfidus hospitam,  
3   ingrato celeris obruit otio  
5   Nereus fata. ‘mala ducis avi domum’  
6   quam multo repetet Graecia milite  
7   coniurata tuas rumpere nuptias  
9   heu heu, quantus equis, quantus adest viris  
10   sudor, quanta moves funera Dardanae  
11   genti. iam galeam Pallas et aegida  
13   nequiquam Veneris praesidio ferox  
14   pectes caesariem grataque feminis  
15   inbelli cithara carmina divides,  
17   hastas et calami spicula Cnosii  
18   vitabis strepitumque et celerem sequi  
19   Aiacem: tamen heu serus adulteros  
21   non Laertiaden, exitium tuae  
22   genti, non Pylium Nestora respicis?  
23   urgent inpavidi te Salaminius  
25   pugnae, sive opus est imperitare equis,  
26   non auriga piger. Merionen quoque  
27   nosces. ecce furit te reperire atrox  
29   quem tu, cervus uti vallis in altera  
30   visum parte lupum graminis inmemor,  
31   sublimi fugies mollis anhelitu,  
33   iracunda diem proferet Ilio  
34   matronisque Phrygum classis Achillei:  
35   post certas hiemes uret Achaicus  

carm. i xix · asclepiadeum quartum · mater saeva cupidinum...


2    Thebanaeque iubet me Semelae puer  
4    finitis animum reddere amoribus.  
6    splendentis Pario marmore purius,  
8    et voltus nimium lubricus adspici.  
10    Cyprum deseruit nec patitur Scythas  
12    Parthum dicere nec quae nihil attinent.  
14    verbenas, pueri, ponite turaque  
16    mactata veniet lenior hostia.  

carm. i xxi · asclepiadeum tertium · dianam tenerae dicite virgines...


1   Dianam tenerae dicite virgines,  
2   intonsum pueri dicite Cynthium,  
5   vos laetam fluviis et nemorum coma,  
6   quaecumque aut gelido prominet Algido  
9   vos Tempe totidem tollite laudibus  
10   natalemque, mares, Delon Apollinis  
13   hic bellum lacrimosum, hic miseram famem  
14   pestemque a populo et principe Caesare in  

carm. i xxiii · asclepiadeum tertium · vitas inuleo me similis, chloe...


1   Vitas inuleo me similis, Chloe,  
2   quaerenti pavidam montibus aviis  
5   nam seu mobilibus veris inhorruit  
6   adventus foliis, seu virides rubum  
9   atqui non ego te tigris ut aspera  
10   Gaetulusve leo frangere persequor —  

carm. i xxiv · asclepiadeum secundum · quis desiderio sit pudor aut modus...


1   Quis desiderio sit pudor aut modus  
2   tam cari capitis? praecipe lugubris  
3   cantus, Melpomene, cui liquidam pater  
5   ergo Quintilium perpetuus sopor  
6   urget; cui Pudor, et Iustitiae soror  
7   incorrupta Fides, nudaque Veritas  
9   multis ille bonis flebilis occidit,  
10   nulli flebilior quam tibi, Vergili.  
11   tu frustra pius, heu, non ita creditum  
13   quid? si Threicio blandius Orpheo  
14   auditam moderere arboribus fidem,  
15   num vanae redeat sanguis imagini,  
17   non lenis precibus fata recludere  
18   nigro conpulerit Mercurius gregi?  
19   durum! sed levius fit patientia  

carm. i xxxiii · asclepiadeum secundum · albi, ne doleas plus nimio memor...


1   Albi, ne doleas plus nimio memor  
2   inmitis Glycerae, neu miserabilis  
3   decantes elegos, cur tibi iunior  
5   insignem tenui fronte Lycorida  
6   Cyri torret amor, Cyrus in asperam  
7   declinat Pholoen; sed prius Apulis  
9   quam turpi Pholoe peccet adultero.  
10   sic visum Veneri, cui placet inparis  
11   formas atque animos sub iuga aenea  
13   ipsum me melior cum peteret Venus,  
14   grata detinuit compede Myrtale  
15   libertina, fretis acrior Hadriae  

carm. i xxxvi · asclepiadeum quartum · et ture et fidibus iuvat...


2    placare et vituli sanguine debito  
4    qui nunc Hesperia sospes ab ultima  
6    nulli plura tamen dividet oscula  
8    actae non alio rege puertiae  
10    Cressa ne careat pulcra dies nota,  
12    neu morem in Salium sit requies pedum,  
14    Bassum Threicia vincat amystide,  
16    neu vivax apium neu breve lilium.  
18    deponent oculos, nec Damalis novo  
20    lascivis hederis ambitiosior.  

carm. ii xii · asclepiadeum secundum · nolis longa ferae bella numantiae...


1   Nolis longa ferae bella Numantiae  
2   nec durum Hannibalem nec Siculum mare  
3   Poeno purpureum sanguine mollibus  
5   nec saevos Lapithas et nimium mero  
6   Hylaeum domitosque Herculea manu  
7   Telluris iuvenes, unde periculum  
9   Saturni veteris, tuque pedestribus  
10   dices historiis proelia Caesaris,  
11   Maecenas, melius ductaque per vias  
13   me dulcis dominae Musa Licymniae  
14   cantus, me voluit dicere lucidum  
15   fulgentis oculos et bene mutuis  
17   quam nec ferre pedem dedecuit choris  
18   nec certare ioco nec dare bracchia  
19   ludentem nitidis virginibus sacro  
21   num tu quae tenuit dives Achaemenes  
22   aut pinguis Phrygiae Mygdonias opes  
23   permutare velis crine Licymniae  
25   cum flagrantia detorquet ad oscula  
26   cervicem aut facili saevitia negat  
27   quae poscente magis gaudeat eripi,  

carm. iii vii · asclepiadeum tertium · quid fles, asterie, quem tibi candidi...


1   Quid fles, Asterie, quem tibi candidi  
2   primo restituent vere Favonii  
5   Gygen? ille Notis actus ad Oricum  
6   post insana Caprae sidera frigidas  
9   atqui sollicitae nuntius hospitae,  
10   suspirare Chloen et miseram tuis  
13   ut Proetum mulier perfida credulum  
14   falsis inpulerit criminibus nimis  
17   narrat paene datum Pelea Tartaro,  
18   Magnessam Hippolyten dum fugit abstinens,  
21   frustra: nam scopulis surdior Icari  
22   voces audit adhuc integer. at tibi  
25   quamvis non alius flectere equum sciens  
26   aeque conspicitur gramine Martio  
29   prima nocte domum claude neque in vias  
30   sub cantu querulae despice tibiae  

carm. iii ix · asclepiadeum quartum · donec gratus eram tibi...


2    nec quisquam potior bracchia candidae  
4    Persarum vigui rege beatior.”  
6    arsisti, neque erat Lydia post Chloen,  
8    Romana vigui clarior Ilia.”  
10    dulcis docta modos et citharae sciens,  
12    si parcent animae fata superstiti.”  
14    Thurini Calais filius Ornyti,  
16    si parcent puero fata superstiti.”  
18    diductosque iugo cogit aeneo,  
20    reiectaeque patet ianua Lydiae?”  
22    ille est, tu levior cortice et inprobo  
24    tecum vivere amem, tecum obeam lubens.”  

carm. iii x · asclepiadeum secundum · extremum tanain si biberes, lyce...


1   Extremum Tanain si biberes, Lyce,  
2   saevo nupta viro, me tamen asperas  
3   porrectum ante foris obicere incolis  
5   audis, quo strepitu ianua, quo nemus  
6   inter pulcra satum tecta remugiat  
7   ventis et positas ut glaciet nives  
9   ingratam Veneri pone superbiam,  
10   ne currente retro funis eat rota:  
11   non te Penelopen difficilem procis  
13   o quamvis neque te munera nec preces  
14   nec tinctus viola pallor amantium  
15   nec vir Pieria paelice saucius  
17   parcas, nec rigida mollior aesculo  
18   nec Mauris animum mitior anguibus:  
19   non hoc semper erit liminis aut aquae  

carm. iii xiii · asclepiadeum tertium · o fons bandusiae, splendidior vitro...


1   O fons Bandusiae, splendidior vitro,  
2   dulci digne mero non sine floribus,  
5   primis et venerem, et proelia destinat,  
6   frustra, nam gelidos inficiet tibi  
9   te flagrantis atrox hora Caniculae  
10   nescit tangere, tu frigus amabile  
13   fies nobilium tu quoque fontium,  
14   me dicente cavis inpositam ilicem  

carm. iii xv · asclepiadeum quartum · uxor pauperis ibyci...


2    tandem nequitiae fige modum tuae  
4    maturo propior desine funeri  
6    et stellis nebulam spargere candidis.  
8    et te, Chlori, decet: filia rectius  
10    pulso Thyias uti concita tympano.  
12    lascivae similem ludere capreae:  
14    tonsae Luceriam, non citharae decent  
16    nec poti vetulam faece tenus cadi.  

carm. iii xvi · asclepiadeum secundum · inclusam danaen turris aenea...


1   Inclusam Danaen turris aenea  
2   robustaeque fores et vigilum canum  
3   tristes excubiae munierant satis  
5   si non Acrisium virginis abditae  
6   custodem pavidum Iuppiter et Venus  
7   risissent: fore enim tutum iter et patens  
9   aurum per medios ire satellites  
10   et perrumpere amat saxa potentius  
11   ictu fulmineo; concidit auguris  
13   demersa exitio; diffidit urbium  
14   portas vir Macedo et subruit aemulos  
15   reges muneribus; munera navium  
17   crescentem sequitur cura pecuniam  
18   maiorumque fames: iure perhorrui  
19   late conspicuum tollere verticem,  
21   quanto quisque sibi plura negaverit,  
22   ab dis plura feret: nil cupientium  
23   nudus castra peto et transfuga divitum  
25   contemptae dominus splendidior rei,  
26   quam si quidquid arat inpiger Apulus  
27   occultare meis dicerer horreis,  
29   purae rivos aquae silvaque iugerum  
30   paucorum et segetis certa fides meae  
31   fulgentem imperio fertilis Africae  
33   quamquam nec Calabrae mella ferunt apes  
34   nec Laestrygonia Bacchus in amphora  
35   languescit mihi nec pinguia Gallicis  
37   inportuna tamen pauperies abest  
38   nec, si plura velim, tu dare deneges.  
39   contracto melius parva cupidine  
41   quam si Mygdoniis regnum Alyattei  
42   campis continuem. multa petentibus  
43   desunt multa: bene est cui deus obtulit  

carm. iii xix · asclepiadeum quartum · quantum distet ab inacho...


2    Codrus pro patria non timidus mori,  
4    et pugnata sacro bella sub Ilio:  
6    mercemur, quis aquam temperet ignibus,  
8    Paelignis caream frigoribus, taces.  
10    da noctis mediae, da, puer, auguris  
12    miscentur cyathis pocula commodis.  
14    ternos ter cyathos attonitus petet  
16    rixarum metuens tangere Gratia  
18    insanire iuvat: cur Berecyntiae  
20    cur pendet tacita fistula cum lyra?  
22    odi: sparge rosas. audiat invidus  
24    et vicina seni non habilis Lyco.  
26    puro te similem, Telephe, Vespero  
28    me lentus Glycerae torret amor meae.  

carm. iii xxiv · asclepiadeum quartum · intactis opulentior...


2    thesauris Arabum et divitis Indiae  
4    terrenum omne tuis et mare publicum:  
6    summis verticibus dira Necessitas  
8    non mortis laqueis expedies caput.  
10    quorum plaustra vagas rite trahunt domos,  
12    inmetata quibus iugera liberas  
14    nec cultura placet longior annua  
16    aequali recreat sorte vicarius.  
18    privignis mulier temperat innocens  
20    coniunx nec nitido fidit adultero;  
22    virtus et metuens alterius viri  
24    et peccare nefas, aut pretium est mori.  
26    caedis et rabiem tollere civicam,  
28    subscribi statuis, indomitam audeat  
30    clarus postgenitis, quatenus, heu nefas,  
32    sublatam ex oculis quaerimus invidi.  
34    si non supplicio culpa reciditur,  
36    vanae proficiunt, si neque fervidis  
38    mundi nec Boreae finitimum latus  
40    mercatorem abigunt, horrida callidi  
42    magnum pauperies opprobrium iubet  
44    virtutisque viam deserit arduae?  
46    quo clamor vocat et turba faventium,  
48    gemmas et lapides aurum et inutile,  
50    mittamus, scelerum si bene paenitet.  
52    pravi sunt elementa et tenerae nimis  
54    formandae studiis. nescit equo rudis  
56    venarique timet, ludere doctior,  
58    seu malis vetita legibus alea,  
60    consortem socium fallat et hospites  
62    heredi properet. scilicet inprobae  
64    curtae nescio quid semper abest rei.  

carm. iii xxv · asclepiadeum quartum · quo me, bacche, rapis tui...


2    plenum? quae nemora aut quos agor in specus  
4    antris egregii Caesaris audiar  
6    stellis inserere et consilio Iovis?  
8    indictum ore alio. non secus in iugis  
10    Hebrum prospiciens et nive candidam  
12    lustratam Rhodopen, ut mihi devio  
14    mirari libet. o Naiadum potens  
16    proceras manibus vertere fraxinos,  
18    nil mortale loquar. dulce periculum est,  
20    cingentem viridi tempora pampino.  

carm. iii xxviii · asclepiadeum quartum · festo quid potius die...


2    Neptuni faciam? prome reconditum,  
4    munitaeque adhibe vim sapientiae.  
6    sentis et, veluti stet volucris dies,  
8    cessantem Bibuli consulis amphoram?  
10    Neptunum et viridis Nereidum comas:  
12    Latonam et celeris spicula Cynthiae:  
14    fulgentisque tenet Cycladas et Paphon  
16    dicetur merita Nox quoque nenia.  

carm. iii xxx · asclepiadeum primum · exegi monumentum aere perennius...


1   Exegi monumentum aere perennius,  
2   regalique situ pyramidum altius,  
3   quod non imber edax, non aquilo impotens  
4   possit diruere, aut innumerabilis  
5   annorum series et fuga temporum.  
6   non omnis moriar! multaque pars mei  
7   vitabit Libitinam. usque ego postera  
8   crescam laude, recens, dum Capitolium  
9   scandet cum tacita virgine pontifex.  
10   dicar – qua violens obstrepit Aufidus,  
11   et qua pauper aquae Daunus agrestium  
12   regnavit populorum – ex humili potens,  
13   princeps Aeolium carmen ad Italos  
14   deduxisse modos. sume superbiam  
15   quaesitam meritis, et mihi Delphica  
16   lauro cinge, volens Melpomene, comam.  

carm. iv i · asclepiadeum quartum · intermissa, venus, diu...


2    rursus bella moves? parce precor, precor.  
4    sub regno Cinarae. desine, dulcium  
6    circa lustra decem flectere mollibus  
8    quo blandae iuvenum te revocant preces.  
10    Pauli purpureis ales oloribus  
12    si torrere iecur quaeris idoneum.  
14    et pro sollicitis non tacitus reis  
16    late signa feret militiae tuae,  
18    largi muneribus riserit aemuli,  
20    ponet marmoream sub trabe citrea.  
22    duces tura lyraque et Berecyntia  
24    mixtis carminibus non sine fistula;  
26    numen cum teneris virginibus tuum  
28    in morem Salium ter quatient humum.  
30    iam nec spes animi credula mutui  
32    nec vincire novis tempora floribus.  
34    manat rara meas lacrima per genas?  
36    inter verba cadit lingua silentio?  
38    iam captum teneo, iam volucrem sequor  
40    campi, te per aquas, dure, volubilis.  

carm. iv iii · asclepiadeum quartum · quem tu, melpomene, semel...


2    nascentem placido lumine videris,  
4    clarabit pugilem, non equos inpiger  
6    victorem, neque res bellica Deliis  
8    quod regum tumidas contuderit minas,  
10    sed quae Tibur aquae fertile praefluunt  
12    fingent Aeolio carmine nobilem.  
14    dignatur suboles inter amabilis  
16    et iam dente minus mordeor invido.  
18    dulcem quae strepitum, Pieri, temperas,  
20    donatura cycni, si libeat, sonum,  
22    quod monstror digito praetereuntium  
24    quod spiro et placeo, si placeo, tuum est.  

carm. iv v · asclepiadeum secundum · divis orte bonis, optume romulae...


1   Divis orte bonis, optume Romulae  
2   custos gentis, abes iam nimium diu:  
3   maturum reditum pollicitus patrum  
5   lucem redde tuae, dux bone, patriae.  
6   instar veris enim voltus ubi tuus  
7   adfulsit populo, gratior it dies  
9   ut mater iuvenem, quem Notus invido  
10   flatu Carpathii trans maris aequora  
11   cunctantem spatio longius annuo  
13   votis ominibusque et precibus vocat  
14   curvo nec faciem litore dimovet,  
15   sic desideriis icta fidelibus  
17   tutus bos etenim rura perambulat,  
18   nutrit rura Ceres almaque Faustitas,  
19   pacatum volitant per mare navitae,  
21   nullis polluitur casta domus stupris,  
22   mos et lex maculosum edomuit nefas,  
23   laudantur simili prole puerperae,  
25   quis Parthum paveat, quis gelidum Scythen,  
26   quis Germania quos horrida parturit  
27   fetus incolumi Caesare? quis ferae  
29   condit quisque diem collibus in suis  
30   et vitem viduas ducit ad arbores;  
31   hinc ad vina redit laetus et alteris  
33   te multa prece, te prosequitur mero  
34   defuso pateris, et Laribus tuum  
35   miscet numen, uti Graecia Castoris  
37   ‘longas o utinam, dux bone, ferias  
38   praestes Hesperiae’ dicimus integro  
39   sicci mane die, dicimus uvidi,  

carm. iv viii · asclepiadeum primum · donarem pateras grataque commodus...


1   Donarem pateras grataque commodus,  
2   Censorine, meis aera sodalibus,  
3   donarem tripodas, praemia fortium  
4   Graiorum, neque tu pessuma munerum  
5   ferres, divite me scilicet artium  
6   quas aut Parrhasius protulit aut Scopas,  
7   hic saxo, liquidis ille coloribus  
8   sollers nunc hominem ponere, nunc deum.  
9   sed non haec mihi vis, nec tibi talium  
10   res est aut animus deliciarum egens:  
11   gaudes carminibus; carmina possumus  
12   donare, et pretium dicere muneri.  
13   non incisa notis marmora publicis,  
14   per quae spiritus et vita redit bonis  
15   post mortem ducibus, [non celeres fugae  
16   reiectaeque retrorsum Hannibalis minae  
17   non incendia Karthaginis inpiae  
18   eius qui domita nomen ab Africa  
19   lucratus rediit, clarius indicant  
20   laudes quam Calabrae Pierides, neque  
21   si chartae sileant quod bene feceris,  
22   mercedem tuleris. quid foret Iliae  
23   Mavortisque puer, si taciturnitas  
24   obstaret meritis invida Romuli?  
25   ereptum Stygiis fluctibus Aeacum  
26   virtus et favor et lingua potentium  
27   vatum divitibus consecrat insulis.  
28   [dignum laude virum Musa vetat mori]  
29   caelo Musa beat. sic Iovis interest  
30   optatis epulis inpiger Hercules,  
31   clarum Tyndaridae sidus ab infimis  
32   quassas eripiunt aequoribus ratis,  
33   [ornatus viridi tempora pampino]  
34   Liber vota bonos ducit ad exitus.  

carm. iv xii · asclepiadeum secundum · iam veris comites, quae mare temperant...


1   Iam veris comites, quae mare temperant,  
2   inpellunt animae lintea Thraciae,  
3   iam nec prata rigent nec fluvii strepunt  
5   nidum ponit Ityn flebiliter gemens  
6   infelix avis et Cecropiae domus  
7   aeternum opprobrium, quod male barbaras  
9   dicunt in tenero gramine pinguium  
10   custodes ovium carmina fistula  
11   delectantque deum, cui pecus et nigri  
13   adduxere sitim tempora, Vergili.  
14   sed pressum Calibus ducere Liberum  
15   si gestis, iuvenum nobilium cliens,  
17   nardi parvus onyx eliciet cadum,  
18   qui nunc Sulpiciis accubat horreis,  
19   spes donare novas largus amaraque  
21   ad quae si properas gaudia, cum tua  
22   velox merce veni: non ego te meis  
23   inmunem meditor tinguere poculis,  
25   verum pone moras et studium lucri  
26   nigrorumque memor, dum licet, ignium  
27   misce stultitiam consiliis brevem:  

carm. iv xiii · asclepiadeum tertium · audivere, lyce, di mea vota, di...


1   Audivere, Lyce, di mea vota, di  
2   audivere, Lyce: fis anus; et tamen  
5   et cantu tremulo pota Cupidinem  
6   lentum sollicitas: ille virentis et  
9   inportunus enim transvolat aridas  
10   quercus et refugit te, quia luridi  
13   nec Coae referunt iam tibi purpurae  
14   nec cari lapides tempora, quae semel  
17   quo fugit venus, heu, quove color, decens  
18   quo motus? quid habes illius, illius,  
21   felix post Cinaram notaque et artium  
22   gratarum facies? sed Cinarae brevis  
25   cornicis vetulae temporibus Lycen,  
26   possent ut iuvenes visere fervidi  

Ad graece scripta legenda typus graecus extrahe


GAI M. SEVER • MMDCCLX • MMDCCLXVII